Nágreining

Samlaða longdin á atløgubryggjuni er oman fyri 2.000 metrar við eini dýpd á 5,0-14,8 metrar í MLWS (Mean Low Water Spring). Skip kunnu leggja at við stýri- ella bakborðssíðu. Fortoyingarbátar eru tøkir. Ferðamannaskip leggja vanliga at úti á Skansabryggjuni (A- ella C-linjuni) ella innan fyri Molan, ið fevnir um 1270 metrar av atløgubryggju til samans.

Har eru ongar avmarkingar viðvíkjandi atkomu- og fráfaringartíð. Tó royna vit at halda komur og fráferðir millum klokkan 06:00-23:00. Havnarmyndugleikar eru tøkir alt døgnið.

Um tað av einhvørjari orsøk ikki ber til at leggja at í havnini, vísa vit til Kollafjarðar havn. Atløgubryggjan í Kollafirði er 560 metrar long, og eru 260 metrar tøkir til 11,8 metra dýpd; 100 metrar til 9,3 metra dýpd; 120 metrar til 6,8 metra dýpd; og 80 metrar til 5,8 metra dýpd. Havnarmyndugleikarnir kunnu útvega flutning, um atløgubryggjan í Kollafirði verður nýtt.

MLWS-hædd er 6,4 til 14,8 metrar. Har eru ongar avmarkingar viðvíkjandi hædd (Air Draft) á skipinum. Hæddin á bryggju MW-vatni er 1,85-2,00 metrar. Munur á flóð og fjøru er +/- 0,3 metrar.

Landgongdir eru, um neyðugt, tøkar á 6 og 10 metra longd. Setið tykkum í samband við havnarskrivstovuna um hetta.

Fleiri nágreiningar eru at lesa niðanfyri.

Koma

ETA skal verða handað umboðsmanninum ella havnarskrivstovuni 24, 12 og 2 tímar áðrenn komu. ETA skal upplýsa navnið á skipinum, longd (L.O.A.) og flotdýpi.

Flestøll skip kunnu sigla inn í havnina. Har eru ongar forðingar so sum brýr, el-leiðingar ella slúsur.

Vanliga rekur havstreymurin í ein sunnan í 8 tímar og norðan í 4 tímar. Vindurin er fyri tað mesta millum landsynning og vestan, men aðrar ættir koma eisini fyri javnan. Munurin á flóð og fjøru er 0,3 m.

Hesi skjøl eru kravd:

Ein listi við upplýsingum um ferðafólk (navn, tjóðskapur o.s.fr.)
Ein listi við upplýsingum um ferðafólk, sum ætla á land
Ein listi við upplýsingum um manningina
Ein goymslulisti (vistir, útgerð, brennievni o.s.fr.)
Ein tollfráboðan (skip)
Ein tollfráboðan (manning)
Ein reinførisváttan (SSCC/SSCEC)

Akkerpláss

Leggjast kann til akkers á Nólsoyarfirði – umleið tríggjar kaðalslongdir frá brimgarðinum. Dýpdin, tá ið ligið verður til akkers, er umleið 30 til 35 metrar. Nágreiniliga støðan, tá ið ligið verður til akkers, er 61°59’85 norður og 006°45’00 vestur.

Atkomupláss til mob-bátar o.l. eru nærindis miðbýin, har ið tað ikki er ábært.

Ferðamannaskip skulu øll leggja at bryggju. Um ynski er um annað, kunnu ferðamannaskipini seta seg í samband við Tórshavnar havn.

Innan fyri brimgarðin er hægst loyvda ferðin 4 sjómíl um tíman.

Atkomuplássini eru úr timbri: 35 metrar long, og hæddin er 1,2 metrar.

Faktaskjal

TÓRSHAVNAR HAVN OG KOLLAFJARÐAR HAVN

Navn á havnini	Tórshavnar havn
Navn á bryggju	Molin
Havnarnummar (IMO)	15773
UN/LO-koda	FOTHO
Bryggjunummar	0003

Upplýsingar
Knattstøða	62°00 norður 006°46 vestur
Innsigling	Nólsoyarfjørður
Mesta longd (LOA)	Eingin avmarking
Mesta breidd	Eingin avmarking
Mest loyvda hædd (Air Draft)	Eingin avmarking
Akkerspláss til skipsbátar	Ikki til taks
Atløgubryggja	Ikki til taks
Hædd á bryggju frá hægstu flóð (MHWS)	Metrar (+/- m) 1,70
Hædd á bryggju frá lægstu fjøru (MLWS)	Metrar (+/- m) 2,00
Forðingar viðv. komu- og fráfaring	Ongar

Skipalega
Tal á skipalegum	3
Navn á skipalegu	Molin, A- og C-linjan
Slag av fendarum	Gummi
Slag av pullartum	Beans , 30–200 tons
Landgongd	Skip hava egna landgongd

Sigling
Loðsskylda	Skip, oman fyri 500 BT, hava loðsskyldu.
Sleipibátur	Til taks
Sleipiskylda	Nei

Tænastur
Feskvatn	Ja
Brennievni	Ja
Handlar	Ja

Burturkast
Ruskburturbeining	Ja
Innsavning av evju	Ja
Innsavning av gráum spillvatni/kloakki	Ja

Trygd
ISPS-góðkenning	Ja
Trygdarvørðir	Til taks (eftir umbøn)
Røntgenútgerð til ferðagóðs	Ikki til taks
Portur við metaldetektori	Ikki til taks
Trygdarkavarar	Til taks (eftir umbøn)

Annað
Venjing/arbeiði við bjargingarbáti	Loyvt (um boðað verður frá á havnarskrivstovuni áðrenn)
Heitverk	Loyvt
Málaraarbeiði	Loyvt

Ferðing
Fjarstøða frá miðbýnum	800 metrar
Fjarstøða frá farstøð	500 metrar
Fjarstøða frá flogvølli	49 km
Ferðamøguleikar	Shuttle-bussar, hýruvognar, býarbussar, bygdaleiðir

Navn á havnini	Kollafjarðar havn
Navn á bryggju	Oyrareingir
Havnarnummar (IMO)	15773
UN/LO-koda	FOTHO
Bryggjunummar	0004

Upplýsingar
Knattstøða	62°05'890 norður, 006°56'070 vestur
Innsigling	Sambært galdandi sjókorti (ella spyr Tórshavnar havn)
Mesta longd (LOA)	300 m
Mesta breidd	Eingin avmarking
Mest loyvda hædd (Air Draft)	Eingin avmarking
Akkerspláss til skipsbátar	Til taks í Tórshavnar havn
Atløgubryggja	Nei
Hædd á bryggju frá hægstu flóð (MHWS)
Hædd á bryggju frá lægstu fjøru (MLWS)
Forðingar viðv. komu- og fráfaring	Ongar

Skipalega
Tal á skipalegum	1
Navn á skipalegu	Oyrareingir
Slag av fendarum	Gummi
Slag av pullartum	Beans, 30-200 tons
Landgongd	Skip skulu hava egna landgongd

Sigling
Loðsskylda	Skip, oman fyri 500 BT, hava loðsskyldu.
Sleipibátur	Til taks
Sleipiskylda	Ja

Tænastur
Feskvatn	Ja
Brennievni	Ja
Handlar	Ja

Burturkast
Ruskburturbeining	Ja
Innsavning av evju	Ja
Innsavning av gráum spillvatni/kloakki	Ja

Trygd
ISPS-góðkenning	Ja
Trygdarvørðir	Til taks (eftir umbøn)
Røntgenútgerð til ferðagóðs	Ikki til taks
Portur við metaldetektori	Ikki til taks
Trygdarkavarar	Til taks (eftir umbøn)

Annað
Venjing/arbeiði við bjargingarbáti	Loyvt (havnarskrivstovan skal tó boðast frá á rás 12 áðrenn)
Heitverk	Loyvt
Málaraarbeiði	Loyvt

Ferðing
Fjarstøða frá høvuðsstaðnum	20 kilometrar
Fjarstøða frá flogvølli	28 kilometrar
Ferðamøguleikar	Shuttle-bussar, hýruvognar, býarbussar, bygdaleiðir

Loðsur og sleiping

Loðsskylda er galdandi fyri skip oman fyri 500 BT. Loðsurin fer umborð í Nólsoyarfirði – eina sjómíl frá molanum. Neyv positión er: 62°00' norður og 06°43' vestur. Loðsurin brúkar rás 12 – bæði til uppkall og sum arbeiðsrás.

Sleipibátar eru tøkir – eisini við stuttum skotbrá. Kortini mæla vit til at biðja um sleipibát, so skjótt sum tit hava eina ETA. Sleipistyrkin (BP) hjá sleipibátunum er frá 12,3 tons upp í 39 tons. Sleipibátar eru ikki kravdir, og ongar ávísar reglur eru um nýtslu.

Trossar hjá skipinum verða nýttar, tá ið skipið verður landfest.

ISPS

Tórshavnar havn lýkur øll ISPS-krøv og er eitt trygt umhvørvi bæði fyri ferðafólk og ferðamannaskip.

Ferðafólkaflutningur á havnarlagnum

Havnin er ásett at fylgja altjóða lóggávu frá IMO (International Maritime Organization).

Skipalegur verða nýttar av ferðamannaskipum, men eisini av øðrum skipum, sum nýta tungar maskinur. Av trygdarávum eru tað tískil bert ferðafólkabussar, sum ferðamannaskip hava bílagt frammanundan, ið sleppa inn á ISPS-økið. Ferðafólk, sum vilja síggja býin, fara sostatt við shuttle-akfari frá skipinum til farstøðina. Frá farstøðini kunnu ferðafólk leita sær hagar, teimum lystir.